Khuasik Snow tlak caan ah lungrethei lo tein car mongh na duh ah cun mah bantuk tire phun hi rak hmang ve

Khuasik thla hen pehtlai in atu lio ah ice snow le snow chah taktak in hmunza kip ah an tla i, ken kip ah accident an tong hna.
Cu caah cun hi bantuk in snow a tam caan ah siseh,khuasik thla hrimhrim ah cun Snow Tire Tire hi hmanah a ttha bik. A ruang cu snow tire hi snow ca hrimhrim ah sermi a si tik ah, motor kan mongh tik ah tluang tein le lungrethei lo tein kan mong kho. Snow tire a tthatnak hna cu a tanglei hna hi an si:
-Snow tire bunhmi car cu a mongh a nuam
-Snow Tire cu hlei in (All Wheel Drive) Keli a tlimi pawl caah a ttha khun.
-Snow tire cu khuasik le snow tlak lio ca lawng ah a si lo. Fur tthal hlan in bunh khawhmi a si i, a cit zong a nuam.
-Tire chan zong sau deuh in mongh khawh a si.
-Snow tire cu fek deuh le ttha deuh in sermi a si caah, a him deuh fawn.
Cu caah cun hi bantuk in snow nal mi lak ah him te le lungrethei lo tein na car mongh na duh ah cun Snow tire pawl kha bunh hna law, na caah a ttha bik lai.